అశ్వాపురం రేంజ్ కృష్ణసాగర్ బీట్ను పరిశీలించిన డీఎఫ్ఓ కృష్ణ గౌడ్
భద్రాద్రి కొత్తగూడెం ప్రతినిధి,ఆధాబ్ న్యూస్:
భద్రాద్రి కొత్తగూడెం జిల్లా అశ్వాపురం అటవీ పరిధిలోని కృష్ణసాగర్ బీట్ను జిల్లా అటవీ అధికారి (DFO) కృష్ణ గౌడ్ పరిశీలించారు. ఈ సందర్భంగా అటవీ ప్రాంతంలో జరుగుతున్న సంరక్షణ చర్యలు, మొక్కల పెంపకం, అక్రమ వృక్షవేట నివారణ చర్యలపై ఆయన సమీక్షించారు.
అటవీ సిబ్బందికి పలు సూచనలు చేస్తూ, అటవీ సంపదను కాపాడేందుకు మరింత అప్రమత్తంగా ఉండాలని ఆదేశించారు. అలాగే, అడవిలో జరుగుతున్న మార్పులను క్రమం తప్పకుండా పరిశీలిస్తూ, ఎలాంటి అక్రమ కార్యకలాపాలు చోటుచేసుకోకుండా చర్యలు తీసుకోవాలని సూచించారు.
ఈ పరిశీలనలో రేంజ్ అధికారులు, బీట్ అధికారులు మరియు అటవీ సిబ్బంది పాల్గొన్నారు.
