కిన్నెరసాని పర్యాటక ప్రాంతంగా అభివృద్ధి: గ్రామస్తులతో కలెక్టర్ సమావేశం.
భద్రాద్రి కొత్తగూడెం,ఆధాబ్ న్యూస్:
కిన్నెరసాని ప్రాంతాన్ని ప్రముఖ పర్యాటక కేంద్రంగా తీర్చిదిద్దేందుకు జిల్లా కలెక్టర్ గ్రామస్తులతో సమావేశం నిర్వహించారు. ఈ సమావేశంలో పర్యాటక అభివృద్ధి ద్వారా స్థానికులకు ఉపాధి అవకాశాలు పెంపొందించడమే లక్ష్యమని కలెక్టర్ తెలిపారు.
కిన్నెరసాని జలాశయం, అటవీ పరిసరాల సౌందర్యాన్ని వినియోగించి బోటింగ్, వ్యూవ్ పాయింట్లు, వాకింగ్ ట్రాక్స్, పర్యాటక సదుపాయాల ఏర్పాటు వంటి అంశాలపై చర్చించారు. అభివృద్ధి ప్రక్రియలో పర్యావరణ పరిరక్షణకు ప్రాధాన్యత ఇస్తామని, గ్రామస్తుల సహకారం అత్యవసరమని కలెక్టర్ స్పష్టం చేశారు.
గ్రామస్తులు తమ సూచనలు, అభ్యంతరాలను తెలియజేయగా, వాటిని పరిశీలించి కార్యాచరణ ప్రణాళిక రూపొందిస్తామని అధికారులు హామీ ఇచ్చారు. పర్యాటక అభివృద్ధితో పాటు స్థానిక సంస్కృతి, సంప్రదాయాల పరిరక్షణకూ చర్యలు తీసుకుంటామని తెలిపారు.
ఈ సమావేశంలో సంబంధిత శాఖల అధికారులు, ప్రజాప్రతినిధులు, గ్రామ పెద్దలు పాల్గొన్నారు.
