వరంగల్లో కలకలం: హానికర పదార్థాలతో ఫ్రూట్ జ్యూస్ తయారీ… టాస్క్ ఫోర్స్ దాడులు
వరంగల్, మే 10: ఆధాబ్ న్యూస్:
ఎండలు భగ్గుమంటుండటంతో నగరవాసులు వేడిని తట్టుకోడానికి ఫ్రూట్ జ్యూస్లపై ఆధారపడుతున్నారు. అయితే ఈ త్రాగుబోతు ఆరోగ్యానికి కాక ముప్పుకీ మారుతోందని తాజా టాస్క్ ఫోర్స్ దాడులు వెల్లడించాయి.
హనుమకొండలోని ప్రసిద్ధమైన బరిష్ట జ్యూస్ పాయింట్ సహా పలు జ్యూస్ సెంటర్లపై టాస్క్ ఫోర్స్, ఫుడ్ సేఫ్టీ అధికారులు సంయుక్తంగా దాడులు నిర్వహించారు. దర్యాప్తులో కుళ్ళిన పళ్ళతో పాటు, పళ్ళు కుళ్ళిపోకుండా నిల్వ ఉంచేందుకు, జ్యూస్ల రుచి, రంగును మార్చేందుకు హానికర రసాయనాలను వినియోగిస్తున్నట్లు అధికారులు గుర్తించారు.
దీంతో బరిష్ట జ్యూస్ పాయింట్ నుండి 19 రకాల, అంచనా విలువ సుమారు రూ.21,420 ఉన్న ఫ్రూట్ జ్యూస్ ఉత్పత్తులను స్వాధీనం చేసుకున్నారు. ఈ ఉత్పత్తులన్నీ నాణ్యత ప్రమాణాలు పాటించకుండా తయారు చేసినట్లు అధికారులు పేర్కొన్నారు.
ప్రజల ఆరోగ్యాన్ని తక్కువగా తీసుకుంటూ మోసం చేస్తున్న వ్యాపారులపై కఠిన చర్యలు తీసుకోవాలని, వారికి వ్యతిరేకంగా కేసులు నమోదు చేయాలని వరంగల్ పోలీస్ కమిషనర్ సన్ ప్రీత్ సింగ్ ఆదేశాలు జారీ చేశారు.
పౌష్టికంగా తాగుతున్న అనుకుని ప్రజలు కొనుగోలు చేస్తున్న జ్యూస్లు ఈ స్థాయిలో హానికరంగా మారుతుండటంతో ప్రజల్లో ఆందోళన మొదలైంది. ఇకపై జాగ్రత్తగా ఉండాలని, ప్రభుత్వ నియమావళిని పాటించే చోట్లే విందులకు ప్రాధాన్యత ఇవ్వాలని నిపుణులు సూచిస్తున్నారు.
