కరకగూడెంలో ఓపెన్ స్కూల్ ద్వారా పదవ తరగతి, ఇంటర్మీడియట్ చదువులకూ అవకాశం
కరకగూడెం, ఆధాబ్ న్యూస్:
కరకగూడెం మండలంలోని జిల్లా పరిషత్ ఉన్నత పాఠశాలలో 2025-26 విద్యా సంవత్సరం నుంచి తెలంగాణ సార్వత్రిక విద్యా విధానం (ఓపెన్ స్కూల్) ద్వారా పదవ తరగతి మరియు ఇంటర్మీడియట్ తరగతుల కోసం అడ్మిషన్లు ప్రారంభమయ్యాయి.
పాఠశాల విద్య మధ్యలో ఆపేసిన వారు లేదా రెగ్యులర్గా పాఠశాలలకు హాజరుకాలేని విద్యార్థుల కోసం ఈ అవకాశం సద్వినియోగం చేసుకోవాలని అధికారులు సూచిస్తున్నారు. ఓపెన్ స్కూల్ ద్వారా అభ్యసించి ఉత్తీర్ణత సాధించిన విద్యార్థులకు రాష్ట్ర ప్రభుత్వం గుర్తింపు కలిగిన సర్టిఫికెట్ లభిస్తుంది. ఇది ఉద్యోగాలకు మరియు ఉన్నత విద్యా అవకాశాలకు వర్తిస్తుంది.
అడ్మిషన్లకు అవసరమైన పత్రాలు:
పదవ తరగతి కోసం: టి.సీ., పుట్టిన తేదీ సర్టిఫికెట్, కుల ధ్రువీకరణ పత్రం, ఆధార్ కార్డు, పాస్పోర్ట్ సైజ్ ఫోటో
ఇంటర్మీడియెట్ కోసం: పదవ తరగతి మార్కుల పట్టిక, కుల ధ్రువీకరణ పత్రం, ఆధార్ కార్డు, పాస్పోర్ట్ సైజ్ ఫోటో
విద్యార్థులు లేదా తల్లిదండ్రులు కరకగూడెం జిల్లా పరిషత్ ఉన్నత పాఠశాల ఓపెన్ స్కూల్ కోఆర్డినేటర్ జి. మంజుల సంప్రదించవచ్చు.
ఫోన్ నెంబర్: 94911 04082
– కరకగూడెం మండల తెలంగాణ ఓపెన్ స్కూల్ కోఆర్డినేటర్
జి. మంజుల
94911 04082
