తెలంగాణ గిరిజన సంక్షేమ మిని గురుకులం బాలికల పాఠశాలలో ప్రవేశాలకి దరఖాస్తులు ఆహ్వానం

భద్రాచలం,ఆధాబ్ న్యూస్:

తెలంగాణ గిరిజన సంక్షేమ మినీ గురుకులం బాలికల పాఠశాల, పినపాక మండలంలో 2025-26 విద్యాసంవత్సరానికి 1వ తరగతి మరియు 2వ తరగతి, 5వ తరగతులలో మిగిలిన బ్యాకులాగ్ సీట్లకు ప్రవేశాల కోసం దరఖాస్తులు కోరుతున్నట్టు ఐటిడిఏ ప్రాజెక్టు అధికారి బి. రాహుల్ ఒక ప్రకటనలో తెలిపారు.

ప్రవేశాలకు అర్హత:
ప్రధానంగా పినపాక మండలానికి చెందిన స్థానిక గిరిజన విద్యార్థినులకు మొదటి ప్రాధాన్యత ఇవ్వబడుతుంది. స్థానిక విద్యార్థినులు అందుబాటులో లేని పక్షంలో సమీప మండలాల గిరిజన విద్యార్థినులకు రెండవ ప్రాధాన్యత లభిస్తుంది.

ఖాళీల వివరాలు:

1వ తరగతి: 30 సీట్లు

2వ తరగతి: 1 సీటు

5వ తరగతి: 8 సీట్లు
మొత్తం ఖాళీలు: 39

దరఖాస్తుల సమర్పణ తేదీలు:
ఈ నెల 30వ తేది నుండి వచ్చే నెల 6వ తేదీ వరకు దరఖాస్తులు స్వీకరించబడతాయి. దరఖాస్తు చేయదలిచిన విద్యార్థినులు ప్రధానోపాద్యాయురాలు, మినీ గురుకులం, పినపాక వద్ద దరఖాస్తులు సమర్పించగలరు.

అవసరమైన పత్రాలు:

రెండు పాస్‌పోర్ట్ సైజ్ ఫోటోలు

అభ్యర్థి సంతకం

ఆధార్ కార్డు

పుట్టిన తేది వివరాలు

మొబైల్ నంబరు

ఎంపిక విధానం:
లాటరీ విధానంలో ఎంపిక జరుగుతుంది. పాఠశాలలో 1వ తరగతి నుండి 5వ తరగతి వరకు విద్యాబోధన ఇంగ్లీష్ మీడియంలో (CBSE సిలబస్) జరుగుతుంది.

వయోపరిమితి:
1వ తరగతిలో ప్రవేశానికి అభ్యర్థి వయస్సు 6 సంవత్సరాలు ఉండాలి.

అదనపు సమాచారం కోసం సంప్రదించవలసిన నంబర్లు:
📞 9701495907, 7702652708

–– అదనపు పౌర సంబంధాల అధికారి కార్యాలయం, భద్రాచలం.