లంచం తీసుకుంటూ ఏసీబీకి పట్టుబడ్డ లైన్మెన్.
హైదరాబాద్, ఆధాబ్ న్యూస్ :
హైదరాబాద్ నగరంలోని అంబర్పేట్లోని TGSPDCL-గోల్నాక సెక్షన్కు చెందిన లైన్మెన్ వి. శివ మల్లేష్ లంచం తీసుకుంటూ పట్టుబడ్డాడు. కమర్షియల్ విద్యుత్ కనెక్షన్ ఇచ్చే విషయంలో అనుకూలంగా వ్యవహరించేందుకు, అలాగే ఫిర్యాదుదారుడి పాత విద్యుత్ మీటర్లో ఉన్న అవకతవకలపై బలవంతపు చర్యలు తీసుకోకుండా ఉండేందుకు అతడు రూ.50,000/- లంచం డిమాండ్ చేశాడు.
ఫిర్యాదుదారుడి తరఫున పి. సంతోష్ అనే ప్రైవేట్ వ్యక్తి ద్వారా ఈ లంచం డిమాండ్ చేయగా, ఈ డీల్ ప్రకారం రూ.30,000/- తీసుకుంటుండగా తెలంగాణ ఏసీబీ అధికారులు అతడిని రెడ్ హ్యాండెడ్గా పట్టుకున్నారు. ప్రస్తుతం కేసు నమోదు చేసిన అధికారులు మరింత విచారణ చేపట్టారు.
ఇలాంటి అవినీతి చర్యలపై ప్రజలు అప్రమత్తంగా ఉండాలని, ఏసీబీకి సమాచారం ఇవ్వాలని అధికారులు విజ్ఞప్తి చేస్తున్నారు.
