జర్నలిస్ట్ కప్ క్రికెట్ టోర్నమెంట్కు మణుగూరు మండల అధికారులకు ఆహ్వానం: పినపాక,ఆధాబ్ న్యూస్ :పినపాక ప్రెస్ క్లబ్ ఆధ్వర్యంలో ఫిబ్రవరి 3న జరగనున్న “జర్నలిస్ట్ కప్ 2024-25” నియోజకవర్గ స్థాయి క్రికెట్ టోర్నమెంట్ కు మణుగూరు మండల అధికారులు ముఖ్య అతిథులుగా హాజరుకావాలని ప్రెస్ క్లబ్ సభ్యులు ఆహ్వానించారు.
ఈ సందర్భంగా మణుగూరు డి.ఎస్.పి రవీందర్ రెడ్డి, ఎమ్మార్వో రాఘవరెడ్డి, సిఐ సతీష్ కుమార్, ఎస్సై ప్రసాద్, రంజిత్ లను పినపాక ప్రెస్ క్లబ్ సభ్యులు మర్యాదపూర్వకంగా కలిసి, వారికి శాలువాలతో సత్కారం చేసి, క్రికెట్ టోర్నమెంట్కు ఆహ్వానించారు.
ఈ కార్యక్రమంలో సీనియర్ జర్నలిస్ట్ బిల్లా నాగేంద్రబాబు, సనప భరత్, కొంపెల్లి సంతోష్, సాయి, జగదీష్, సంతోష్, ప్రభాకర్ తదితరులు పాల్గొన్నారు.
క్రీడా ప్రాధాన్యతపై ప్రెస్ క్లబ్ వ్యాఖ్యలు
పత్రికా రంగానికి సంబంధించిన వారికీ క్రీడలతో మానసిక ఉల్లాసం కల్పించేందుకు, ఆరోగ్యాన్ని మెరుగుపరచేందుకు, జర్నలిస్టుల మధ్య స్నేహపూర్వక వాతావరణాన్ని పెంపొందించేందుకు ఈ టోర్నమెంట్ ను నిర్వహిస్తున్నట్లు ప్రెస్ క్లబ్ సభ్యులు తెలిపారు.
ప్రతి ఏడాదిలాగే ఈసారి కూడా నియోజకవర్గ స్థాయిలో జర్నలిస్టుల మధ్య క్రికెట్ పోటీలు నిర్వహించేందుకు అన్ని ఏర్పాట్లు పూర్తిచేసినట్టు వారు వెల్లడించారు. వివిధ ప్రాంతాల నుంచి జర్నలిస్టుల బృందాలు టోర్నమెంట్లో పాల్గొననున్నాయి.
అధికారుల స్పందన
ఈ సందర్భంగా, క్రికెట్ టోర్నమెంట్కు ఆహ్వానం అందుకున్న మణుగూరు మండల అధికారులు ప్రెస్ క్లబ్ సభ్యులకు కృతజ్ఞతలు తెలియజేశారు. క్రీడలు మానసిక, శారీరక ఆరోగ్యాన్ని మెరుగుపరిచే అద్భుతమైన సాధనం అని, జర్నలిస్టుల కోసం ఇలా ప్రత్యేకంగా టోర్నమెంట్ నిర్వహించడం అభినందనీయమని వారు ప్రశంసించారు.
