నాగపూర్లో ఆల్ ఇండియా పోలీస్ డ్యూటీ మీట్ – తెలంగాణకు ఘన విజయం
తెలంగాణ,ఆధాబ్ న్యూస్:
మహారాష్ట్ర రాష్ట్రంలోని నాగపూర్లో మార్చి 29 నుండి ఏప్రిల్ 3 వరకు నిర్వహించిన ఆల్ ఇండియా పోలీస్ డ్యూటీ మీట్లో తెలంగాణ రాష్ట్రం ప్రతిభ చాటింది. ఆంటీ సబోటేజ్ చెక్ విభాగంలో తెలంగాణ జట్టు విశేషంగా రాణించి పలు విభాగాల్లో పతకాలు కైవసం చేసుకుంది.
యాక్సెస్ కంట్రోల్ విభాగంలో సిల్వర్ మెడల్, వీవీఐపీ రూమ్ సెర్చ్ మరియు వీవీఐపీ వెహికిల్ సెర్చ్ విభాగాల్లో గోల్డ్ మెడల్స్ సాధించడం విశేషం. ఈ విజయంతో తెలంగాణ రాష్ట్రం ఆల్ ఇండియా స్థాయిలో ఓవరాల్ ఛాంపియన్షిప్ను వరుసగా మూడోసారి గెలుచుకుంది.
చీఫ్ కోచ్ ఎం. రామకృష్ణ (ఎస్పీ, 8వ బెటాలియన్, కొండాపూర్) ఆధ్వర్యంలో నాలుగు నెలల పాటు కఠిన శిక్షణ అందించడంతో ఈ విజయాన్ని సాధించినట్లు అధికారులు తెలిపారు.
ఈ విజయానికి తోడ్పడిన మహబూబాబాద్ జిల్లా బీడీ టీం కోచ్ కే. అంజయ్యను జిల్లా ఎస్పీ డాక్టర్ శబరీష్ అభినందించి సత్కరించారు. కార్యక్రమంలో ఏ.ఆర్ డీఎస్పీ ఎం. శ్రీనివాస్, ఆర్.ఐలు సోములు, టీ. నాగేశ్వర్ రావు, ఆర్.ఎస్.ఐ జి. శేఖర్ తదితరులు పాల్గొన్నారు.
