హోలీ వేడుకల్లో పోలీసులతో కలిసి స్టెప్పులేసిన జిల్లా ఎస్పీ రోహిత్ రాజ్
భద్రాద్రి కొత్తగూడెం,ఆధాబ్ న్యూస్:
భద్రాద్రి కొత్తగూడెం జిల్లాలో హోలీ పండుగ సందర్భంగా పోలీస్ సిబ్బందిలో ఉత్సాహం నింపేలా జిల్లా ఎస్పీ రోహిత్ రాజ్ ప్రత్యేకంగా ఆకట్టుకున్నారు. కొత్తగూడెంలో నిర్వహించిన హోలీ సంబరాల్లో పోలీస్ సిబ్బందితో కలిసి ఆయన సరదాగా డాన్స్ చేస్తూ అందరినీ అలరించారు.
పండుగ సందర్భంగా నిర్వహించిన కార్యక్రమంలో డాన్సర్లు చేసిన స్టెప్పులకు తగ్గట్టుగా ఎస్పీ రోహిత్ రాజ్ కూడా ఉత్సాహంగా స్టెప్పులు వేయడంతో అక్కడున్న వారంతా ఆశ్చర్యపోయారు. ఆయన చేసిన డాన్స్ చూసి డాన్సర్లు సైతం మైమరచిపోయేలా ఉత్సాహభరిత వాతావరణం నెలకొంది.
నిత్యం విధుల్లో ఒత్తిడితో పనిచేసే పోలీస్ అధికారులకు, సిబ్బందికి ఈ వేడుకలు కొంత ఉపశమనం కలిగించాయి. ఎస్పీ స్వయంగా పాల్గొని అందరితో కలిసి ఆనందంగా గడపడంతో పోలీస్ సిబ్బందిలో ఉత్సాహం మరింత పెరిగింది.
హోలీ పండుగను ఆనందంగా, స్నేహభావంతో జరుపుకోవాలని ఎస్పీ సూచించారు. ఈ సందర్భంగా పోలీస్ సిబ్బంది కూడా రంగులు చల్లుకుంటూ హోలీ సంబరాలను ఉత్సాహంగా జరుపుకున్నారు.
