దమ్మపేటలో ఘనంగా కేసీఆర్ జన్మదిన వేడుకలు
దమ్మపేట, ఫిబ్రవరి 17 (ఆధాబ్ న్యూస్):
తెలంగాణ రాష్ట్ర తొలి ముఖ్యమంత్రి, బీఆర్ఎస్ పార్టీ అధినేత కల్వకుంట్ల చంద్రశేఖర్ రావు 72వ జన్మదిన వేడుకలు దమ్మపేట మండల కేంద్రంలో ఘనంగా నిర్వహించారు. మండల బీఆర్ఎస్ పార్టీ అధ్యక్షుడు దొడ్డ రమేష్ ఆధ్వర్యంలో జరిగిన ఈ కార్యక్రమానికి అశ్వారావుపేట నియోజకవర్గ మాజీ ఎమ్మెల్యే, బీఆర్ఎస్ పార్టీ ఇంచార్జ్ మెచ్చా నాగేశ్వరరావు ముఖ్య అతిథిగా హాజరయ్యారు.
ఈ సందర్భంగా పార్టీ శ్రేణులతో కలిసి కేక్ కట్ చేసి, స్థానిక ప్రభుత్వ ఆసుపత్రిలో రోగులకు బ్రెడ్, ఫ్రూట్స్ పంపిణీ చేశారు. అనంతరం కేసీఆర్ సేవలను కొనియాడుతూ, తెలంగాణ రాష్ట్ర సాధనలో ఆయన పాత్రను గుర్తు చేసుకున్నారు.
మాజీ ఎమ్మెల్యే మెచ్చా నాగేశ్వరరావు మాట్లాడుతూ తెలంగాణ కోసం పోరాడి రాష్ట్రాన్ని సాధించి, దశాబ్దం పాటు అభివృద్ధి పథంలో నడిపించిన నాయకుడు కేసీఆర్ అని కొనియాడారు. భవిష్యత్తులో మళ్లీ తెలంగాణకు ఆయన ముఖ్యమంత్రి అవుతారని విశ్వాసం వ్యక్తం చేశారు. అలాగే ఆయనకు ఆయురారోగ్యాలు కలగాలని ఆకాంక్షించారు.
ఈ కార్యక్రమంలో సోయం వీరభద్రం, మాజీ వైస్ ఎంపీపీ దారా మల్లికార్జునరావు, దారా యుగంధర్, మాజీ సర్పంచ్ ఉయ్యాల చిన్న వెంకటేశ్వర్లు, జలగం వాసు, చీకట్ రామారావు, రావుల శ్రీను, అబ్దుల్ జిన్నా, తుమ్మల లక్ష్మణ్ రావు, గాజుబోయిన ఎసుబాబు, తాటి పోతురాజు, సోడెం గంగరాజు, యూత్ అధ్యక్షుడు మండవ సత్య, యార్లగడ్డ శ్రీను, కాసిని శ్రీను, మహేశ్, మద్దెల పుల్లారావు, నాగరాజు, ప్రసాద్, నరేంద్ర, రవి, రామకృష్ణ, రాజారావు, పసుమర్తి రాంబద్రం, వార్డ్ మెంబర్లు గోళ్ళ భవాని కృష్ణ యాదవ్, రూపా రాంబాబు, ఉయ్యాల లక్ష్మీ నారాయణ, ఏడుకొండలు, మీడియం సురేష్, పాయం ప్రవీణ్, కోర్స వెంకటేష్, మధు, ఇప్ప శేషాద్రి, భూక్యా రాజు, కిస్ట సత్తి, పానుగంటి లోకేష్, పోలారావు తదితరులు పాల్గొన్నారు.
