తుఫాను ప్రభావంతో భారీ వర్షాలు.. ప్రజలు అప్రమత్తంగా ఉండాలి
ఆధాబ్ న్యూస్ ,కరకగూడెం, అక్టోబర్ 27:
తుఫాను ప్రభావంతో ఈ నెల 28, 29 తేదీల్లో భారీ వర్షాలు కురిసే అవకాశం ఉన్నందున ప్రజలు అప్రమత్తంగా ఉండాలని కరకగూడెం తహశీల్దార్ వట్టం కాంతయ్య సూచించారు. వాతావరణ పరిస్థితులను దృష్టిలో ఉంచుకుని అత్యవసరమైతే తప్ప ప్రజలు బయటకు వెళ్లవద్దని తెలిపారు.
భారీ వర్షాల సమయంలో వాగులు, వంకలు, చెరువుల వద్దకు వెళ్లకుండా జాగ్రత్తలు పాటించాలని, నీటి ప్రవాహం ఉన్న ప్రాంతాల్లో ప్రయాణాలు చేయవద్దని సూచించారు.
ప్రజలు అప్రమత్తంగా ఉండడంతో పాటు అధికారులు అందించే సూచనలను తప్పనిసరిగా పాటించాలని తహశీల్దార్ వట్టం కాంతయ్య కోరారు.
