మీర్ చౌక్ పోలీస్ స్టేషన్‌లో ఏసీబీ సోదాలు
రూ.3 లక్షల లంచం తీసుకుంటూ ఇన్‌స్పెక్టర్ పట్టుబాటు.. కానిస్టేబుల్ కూడా అదుపులో
ఆధాబ్ న్యూస్, ఖమ్మం: పాతబస్తీలోని మీర్ చౌక్ పోలీస్ స్టేషన్‌లో అవినీతి నిరోధక శాఖ (ఏసీబీ) అధికారులు సోదాలు నిర్వహించారు. ఈ సందర్భంగా రూ.3 లక్షల లంచం తీసుకుంటూ ఇన్‌స్పెక్టర్ ఏసీబీ అధికారులకు పట్టుబడినట్లు సమాచారం.
లంచం తీసుకుంటున్న సమయంలో ఇన్‌స్పెక్టర్ కొండలరావును ఏసీబీ అధికారులు రెడ్‌హ్యాండెడ్‌గా పట్టుకున్నట్లు తెలుస్తోంది. ఈ వ్యవహారంలో ఇన్‌స్పెక్టర్‌తో పాటు ఓ కానిస్టేబుల్‌ను కూడా ఏసీబీ అధికారులు అదుపులోకి తీసుకున్నట్లు సమాచారం.
ఫిర్యాదు మేరకు ముందస్తు ప్రణాళికతో ఏసీబీ అధికారులు ఈ దాడులు నిర్వహించినట్లు తెలుస్తోంది. ప్రస్తుతం మీర్ చౌక్ పోలీస్ స్టేషన్‌లో ఏసీబీ అధికారులు సోదాలు కొనసాగిస్తున్నారు. ఘటనకు సంబంధించిన పూర్తి వివరాలు అధికారికంగా వెల్లడించాల్సి ఉంది.
www.aadhabnews.in
