ఇంటర్మీడియట్ సప్లిమెంటరీ పరీక్షల టైమ్‌టేబుల్ విడుదల
హైదరాబాద్,ఏప్రిల్ 12 ఆధాబ్ న్యూస్: తెలంగాణ ఇంటర్మీడియట్ బోర్డు (TGBIE) మే/జూన్ 2026లో నిర్వహించనున్న ఇంటర్మీడియట్ పబ్లిక్ అడ్వాన్స్‌డ్ సప్లిమెంటరీ పరీక్షల తాత్కాలిక టైమ్‌టేబుల్‌ను విడుదల చేసింది. జనరల్ మరియు వొకేషనల్ కోర్సులకు చెందిన 1వ సంవత్సరం, 2వ సంవత్సరం విద్యార్థులకు ఈ పరీక్షలు నిర్వహించనున్నట్లు అధికారులు తెలిపారు.
థియరీ పరీక్షలు మే 13 నుండి ప్రారంభమై మే 21 వరకు కొనసాగనున్నాయి. 1వ సంవత్సరం పరీక్షలు ఉదయం 9 గంటల నుంచి మధ్యాహ్నం 12 గంటల వరకు, 2వ సంవత్సరం పరీక్షలు మధ్యాహ్నం 2:30 నుంచి సాయంత్రం 5:30 వరకు జరుగుతాయి.
ప్రాక్టికల్ పరీక్షలు మే 22 నుండి మే 25 వరకు రెండు సెషన్లలో నిర్వహించనున్నారు. అదేవిధంగా మే 26న ఇంగ్లీష్ ప్రాక్టికల్ మరియు ఎథిక్స్ & హ్యూమన్ వాల్యూస్ పరీక్షలు, మే 28న ఎన్విరాన్‌మెంటల్ ఎడ్యుకేషన్ పరీక్ష నిర్వహించనున్నట్లు బోర్డు వెల్లడించింది.
ఈ తేదీలు వొకేషనల్ కోర్సుల పరీక్షలకు కూడా వర్తిస్తాయని, అయితే వాటి ప్రత్యేక టైమ్‌టేబుల్‌ను తరువాత విడుదల చేస్తామని అధికారులు తెలిపారు.
విద్యార్థులు సమయానికి పరీక్షా కేంద్రాలకు హాజరు కావాలని, అధికారిక ప్రకటనలను గమనిస్తూ ఉండాలని ఇంటర్మీడియట్ బోర్డు సూచించింది.
