మోతే ఫీడర్ విద్యుత్ సరఫరా తాత్కాలికంగా నిలిపివేత
కరకగుడెం,ఆధాబ్ న్యూస్:
కరకగుడెం ఉపకేంద్రానికి చెందిన 11 కె.వి. మోతే ఫీడర్ పై మరమ్మత్తు పనులు నిర్వహించనున్న కారణంగా, ఆగస్టు 6 (బుధవారం) నాడు విద్యుత్ సరఫరా తాత్కాలికంగా నిలిపివేయనున్నట్లు ఎలక్ట్రికల్ శాఖ అధికారులు తెలిపారు.
వివరాల్లోకి వెళితే, కరకగుడెం 33/11 కె.వి. ఉపకేంద్రం పరిధిలోని మోతే లైన్ పై చెట్ల తొలగింపు పనులు చేపట్టనున్న నేపథ్యంలో, ఉదయం 9:00 గంటల నుండి మధ్యాహ్నం 12:00 గంటల వరకు మోతే ఫీడర్ పరిధిలో విద్యుత్ సరఫరా నిలిపివేయబడనుంది.
ఈ సందర్భంగా ఆపరేషన్ సెక్షన్ అసిస్టెంట్ ఇంజినీర్ ప్రజలను ముందస్తుగా అప్రమత్తం చేస్తూ, అసౌకర్యానికి లోనయ్యే వినియోగదారులు తాత్కాలికంగా సహనం వహించాలని విజ్ఞప్తి చేశారు.
