కరకగూడెంలో ఘనంగా కేసీఆర్ జన్మదిన వేడుకలు
కరకగూడెం,ఫిబ్రవరి 17 ఆధాబ్ న్యూస్:
కరకగూడెం మండల కేంద్రంలోని బీఆర్ఎస్ పార్టీ కార్యాలయంలో తెలంగాణ రాష్ట్ర తొలి ముఖ్యమంత్రి, స్వరాష్ట్ర సాధకుడు, తెలంగాణ జాతిపితగా పేరుగాంచిన కల్వకుంట్ల చంద్రశేఖర రావు (కేసీఆర్) జన్మదిన వేడుకలను ఘనంగా నిర్వహించారు.
మండల అధ్యక్షులు రావుల సోమయ్య ఆధ్వర్యంలో జరిగిన ఈ కార్యక్రమంలో కేసీఆర్ చిత్రపటానికి పూలమాలలు వేసి, కేక్ కట్ చేసి జన్మదిన శుభాకాంక్షలు తెలిపారు. అనంతరం పార్టీ శ్రేణులు కేసీఆర్ నాయకత్వాన్ని కొనియాడుతూ ఆయన తెలంగాణ అభివృద్ధికి చేసిన సేవలను స్మరించుకున్నారు.
ఈ కార్యక్రమంలో పార్టీ నాయకులు, ప్రస్తుత మరియు మాజీ ప్రజాప్రతినిధులు, కార్యకర్తలు, సోషల్ మీడియా వారియర్లు అధిక సంఖ్యలో పాల్గొన్నారు.
