మంగళసూత్రం దొంగతనానికి యత్నం – దొరికిన యువకుడికి దేహశుద్ధి
అశ్వాపురం, ఆధాబ్,న్యూస్ :
భద్రాద్రి కొత్తగూడెం జిల్లా బూర్గంపాడు మండలం లక్ష్మీపురం గ్రామంలో గురువారం ఉదయం దొంగతనానికి యత్నించిన సంఘటన కలకలం రేపింది. గ్రామంలో ఓ మహిళ మెడలోని మంగళసూత్రాన్ని దొంగిలించేందుకు ప్రయత్నించిన శ్రీకాంత్ అనే యువకుడిని స్థానికులు అప్రమత్తంగా వ్యవహరించి పట్టుకున్నారు.
పోలీసుల రాక వరకు యువకుడికి గ్రామస్తులు దేహశుద్ధి చేశారు. అనంతరం అతన్ని బూర్గంపాడు పోలీసులకు అప్పగించారు. ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు. గ్రామస్థుల అప్రమత్తతకు ప్రశంసలు వెల్లువెత్తుతున్నాయి.
