హిమాన్షుకు రాఖీ కట్టిన ఇవాంక
హైదరాబాద్, ఆగస్టు 28 (ఆధాబ్ న్యూస్): రక్షాబంధన్ పర్వదినాన్ని పురస్కరించుకుని అన్నాచెల్లెళ్ల ఆత్మీయ అనుబంధానికి ప్రతీకగా నిలిచే రాఖీ వేడుకను ఇవాంక ఘనంగా జరుపుకున్నారు. అశ్వారావుపేట యువజన విభాగం మాజీ నియోజకవర్గ అధ్యక్షుడు మోటూరు మోహన్ కుమార్తె ఇవాంక, తెలంగాణ తొలి ముఖ్యమంత్రి కల్వకుంట్ల చంద్రశేఖర్ రావు మనవడు, మాజీ మంత్రి కల్వకుంట్ల తారక రామారావు కుమారుడు కల్వకుంట్ల హిమాన్షు రావుకు రాఖీ కట్టారు.
ఈ సందర్భంగా ఇవాంక హిమాన్షు రావుకు రాఖీ కట్టి, స్వీట్లు తినిపించి రక్షాబంధన్ శుభాకాంక్షలు తెలిపారు. అనంతరం హిమాన్షు కూడా ఇవాంకకు శుభాకాంక్షలు తెలియజేసి, ఆమెకు ఆశీస్సులు అందించారు. కుటుంబ సభ్యుల సమక్షంలో జరిగిన ఈ వేడుక ఆత్మీయ వాతావరణంలో ఆనందంగా సాగింది.
అన్నాచెల్లెళ్ల మధ్య ప్రేమ, ఆప్యాయత, పరస్పర నమ్మకానికి ప్రతీకగా నిలిచే రక్షాబంధన్ సందర్భంగా జరిగిన ఈ రాఖీ వేడుక కుటుంబ సభ్యుల్లో సంతోషాన్ని నింపింది.
