మణుగూరు బిఆర్ఎస్ పార్టీ కార్యాలయానికి విచ్చేసిన ఎమ్మెల్సీ కల్వకుంట్ల కవిత
మణుగూరు, ఆధాబ్ న్యూస్:
భద్రాద్రి కొత్తగూడెం జిల్లా మణుగూరులోని భరత రాష్ట్రీయ సమితి (బిఆర్ఎస్) పార్టీ కార్యాలయాన్ని ఎమ్మెల్సీ కల్వకుంట్ల కవిత సోమవారం సందర్శించారు. ఈ సందర్భంగా ఆమెకు పార్టీ నాయకులు, కార్యకర్తలు ఘన స్వాగతం పలికారు. స్థానిక నాయకులతో సమావేశమైన కవిత, పార్టీ బలోపేతంపై చర్చలు జరిపారు. ప్రజల సమస్యలను తెలుసుకుంటూ, త్వరలో జరిగే ఎన్నికల్లో బిఆర్ఎస్ విజయం సాధించేలా సమష్టిగా పనిచేయాలని కార్యకర్తలకు పిలుపునిచ్చారు.
అనంతరం ఆమె మీడియాతో మాట్లాడుతూ, బిఆర్ఎస్ పార్టీ ప్రజల నమ్మకాన్ని గెలుచుకున్న పార్టీగా ఎదిగిందని, రాష్ట్ర అభివృద్ధిలో ముఖ్యపాత్ర పోషిస్తుందని తెలిపారు. పార్టీ ఆవిర్భావ దినోత్సవాన్ని ఘనంగా నిర్వహించేందుకు కార్యకర్తలు సిద్ధంగా ఉండాలని సూచించారు.
కార్యాలయ సందర్శన అనంతరం కవిత స్థానిక ప్రజలతో భేటీ అయి వారి అభిప్రాయాలను అడిగి తెలుసుకున్నారు.
