అఖండ 2 దసరా పండుగ కు రిలీజ్ చేయడానికి ప్రయత్నం చేస్తున్న చిత్ర బృందం?
ఆధాబ్ న్యూస్ , మూవీ న్యూస్:
నందమూరి బాలకృష్ణ, బోయపాటి శ్రీను కాంబినేషన్‌లో రూపొందుతున్న ‘అఖండ 2’ సినిమాపై భారీ అంచనాలు ఉన్నాయి. ఇది ‘అఖండ’ చిత్రానికి సీక్వెల్‌గా తెరకెక్కుతుంది. ప్రస్తుతం ఈ చిత్రం షూటింగ్ దశలో ఉంది.
బోయపాటి శ్రీను జార్జియా దేశంలో కొత్త లొకేషన్లను ఫైనలైజ్ చేస్తున్నారు. త్వరలో అక్కడ భారీ షెడ్యూల్‌ను ప్రారంభించబోతున్నారు. ఈ షెడ్యూల్‌లో ముఖ్యమైన యాక్షన్ సన్నివేశాలు చిత్రీకరించనున్నారు. బాలకృష్ణ ఇందులో మరింత పవర్‌ఫుల్ రోల్‌లో కనిపించబోతున్నట్లు సమాచారం.
చిత్రబృందం ప్లాన్ ప్రకారం, జూన్ 10న బాలకృష్ణ పుట్టినరోజు సందర్భంగా ‘అఖండ 2’ టీజర్‌ను విడుదల చేయనున్నారు అని సమాచారం ?సినిమా విడుదలను 2025 దసరా పండుగ సీజన్‌కు సిద్ధం చేస్తున్నారు, అంటే సెప్టెంబర్ చివర్లో థియేటర్లలో విడుదల చేయాలనే ఉద్దేశంతో ఉన్నారు.
ఈ సినిమాకు సంగీతాన్ని థమన్ అందిస్తున్నారు. ఆయన మళ్లీ అఖండ మేజిక్‌ను రిపీట్ చేయబోతున్నారని భావిస్తున్నారు. సినిమాటోగ్రఫీ బాధ్యతలను సి. రాంప్రసాద్ నిర్వర్తిస్తున్నారు.
