షార్ట్ సర్క్యూట్‌తో ఆటోమొబైల్ షాప్ దగ్ధం
రూ.5 లక్షల ఆస్తి నష్టం.. ప్రభుత్వ సాయం అందించాలని బాధితుడి వేడుకోలు
తాడ్వాయి, ఆధాబ్ న్యూస్:
ములుగు జిల్లా తాడ్వాయి (సమ్మక్క–సారలమ్మ) మండలం రంగాపూర్ గ్రామానికి చెందిన ఇర్ప సూర్యబాబుకు చెందిన ఆటోమొబైల్, ఎలక్ట్రికల్ షాప్ శనివారం ఉదయం షార్ట్ సర్క్యూట్ కారణంగా పూర్తిగా దగ్ధమైంది. ఈ ప్రమాదంలో షాప్‌లోని సామగ్రి మొత్తం కాలిపోవడంతో సుమారు రూ.5 లక్షల మేర ఆస్తి నష్టం జరిగినట్లు బాధితుడు తెలిపారు.
షాప్ దగ్ధం కావడంతో తన కుటుంబానికి ప్రధాన జీవనోపాధి కోల్పోయి తీవ్ర ఇబ్బందుల్లో పడ్డామని సూర్యబాబు ఆవేదన వ్యక్తం చేశారు. ప్రభుత్వం తక్షణమే స్పందించి నష్టాన్ని అంచనా వేయాలని కోరారు.
ప్రమాదం జరిగిన స్థలాన్ని సంబంధిత GPO తక్షణమే పరిశీలించి, నష్టానికి సంబంధించిన నివేదికను తాడ్వాయి తహసీల్దార్ కార్యాలయానికి పంపేలా చర్యలు తీసుకోవాలని బాధితుడు విజ్ఞప్తి చేశారు. ప్రభుత్వం మానవతా దృక్పథంతో స్పందించి నష్టపోయిన పేద కుటుంబానికి తక్షణమే నష్టపరిహారం అందించి ఆదుకోవాలని కోరారు.
