హఫీజ్‌పేట్ రైల్వే స్టేషన్ ఘటనపై డీజీపీ సీవీ ఆనంద్ వివరణ
హైదరాబాద్, సెప్టెంబర్ 19 (ఆధాబ్ న్యూస్):
హఫీజ్‌పేట్ రైల్వే స్టేషన్ వద్ద మహిళపై దాడి జరిగిన ఘటనపై తెలంగాణ డీజీపీ సీవీ ఆనంద్ స్పందించారు. ఘటనలో ఆరోపణలు ఎదుర్కొంటున్న వ్యక్తి హోమ్‌గార్డ్ అని, ప్రస్తుతం రైల్వే పోలీస్ ఫోర్స్‌లో డిప్యూటేషన్‌పై విధులు నిర్వహిస్తున్నట్లు తెలిపారు.
ఈ ఘటనపై తక్షణమే చర్యలు తీసుకోవాలని సైబరాబాద్ పోలీస్ కమిషనర్‌ను ఆదేశించినట్లు డీజీపీ వెల్లడించారు. నిందితుడిపై క్రిమినల్ కేసు నమోదు చేసి చట్టపరమైన చర్యలు తీసుకోవడంతో పాటు, సర్వీస్ నుంచి తొలగించే చర్యలు చేపడతామని స్పష్టం చేశారు.
మహిళపై దాడి ఘటనను తీవ్రంగా పరిగణిస్తున్నామని, బాధితురాలికి న్యాయం జరిగేలా చర్యలు తీసుకుంటామని డీజీపీ సీవీ ఆనంద్ తెలిపారు.
కాగా, ఈ ఘటనకు సంబంధించి మియాపూర్ పోలీసులు ఎఫ్‌ఐఆర్ నమోదు చేసి హోమ్‌గార్డ్ ఆనంద్‌ను అరెస్ట్ చేసినట్లు సమాచారం.
