గణేష్ ఉత్సవ కమిటీలకు పోలీసుల ముఖ్య సూచనలు
మండపాల ఏర్పాటుకు ఆన్‌లైన్‌లో దరఖాస్తు చేసుకోవాలి: ఎస్‌ఐ పి.వి.ఎన్. రావు
ఆధాబ్ న్యూస్ ,కరకగూడెం: వినాయక చవితి సందర్భంగా కరకగూడెం మండలంలోని వివిధ గ్రామాల్లో గణేష్ విగ్రహాలను ఏర్పాటు చేయనున్న ఉత్సవ కమిటీలు, భక్తులు ముందుగా పోలీస్ శాఖకు సమాచారం అందించాలని కరకగూడెం ఎస్‌ఐ పి.వి.ఎన్. రావు సూచించారు.
గణేష్ మండపాల ఏర్పాటుకు సంబంధించి నిర్వాహకులు ఆన్‌లైన్ ద్వారా దరఖాస్తు చేసుకుని, ఆ దరఖాస్తును కరకగూడెం పోలీస్ స్టేషన్‌లో సమర్పించాలని తెలిపారు. దరఖాస్తును పరిశీలించిన అనంతరం గణేష్ విగ్రహాన్ని ఏర్పాటు చేసే ప్రదేశం, మండపం ఏర్పాటు, భద్రత తదితర అంశాలకు సంబంధించి పోలీసుల తరఫున అవసరమైన సూచనలు, నిబంధనలు తెలియజేస్తామని పేర్కొన్నారు.
కరకగూడెం మండల పరిధిలో గణేష్ విగ్రహాలను ఏర్పాటు చేయాలనుకునే ప్రతి ఉత్సవ కమిటీ, భక్తులు తప్పనిసరిగా పోలీస్ స్టేషన్‌కు సమాచారం అందించాలని ఎస్‌ఐ కోరారు. వినాయక చవితి ఉత్సవాలు ప్రశాంతంగా, ఎలాంటి అవాంఛనీయ ఘటనలకు తావులేకుండా నిర్వహించేందుకు పోలీస్ శాఖకు సహకరించాలని విజ్ఞప్తి చేశారు.
– పి.వి.ఎన్. రావు, ఎస్‌ఐ, కరకగూడెం పోలీస్ స్టేషన్
