జిల్లాకో మెడికల్ కాలేజ్.. విద్యార్థులకు వరం
కేసీఆర్‌ పుణ్యంతో సొంత జిల్లాలోనే వైద్య విద్యకు అవకాశం
హైదరాబాద్, సెప్టెంబర్ 9 (ఆధాబ్ న్యూస్):
కేసీఆర్‌ పుణ్యంతో జిల్లాకో మెడికల్ కాలేజ్ ఏర్పాటు చేయడం వైద్య విద్యను అభ్యసించే విద్యార్థులకు వరంగా మారిందని . గతంలో మెడికల్ ఎంట్రన్స్‌ (NEET) పరీక్షలు రాయాలన్నా, కోచింగ్‌ తీసుకోవాలన్నా, వైద్య విద్య చదవాలన్నా ఖమ్మం, సూర్యాపేట, వరంగల్‌, హైదరాబాద్ వంటి దూర ప్రాంతాలకు వెళ్లాల్సిన పరిస్థితి ఉండేదన్నారు.
దీంతో విద్యార్థులతో పాటు వారి తల్లిదండ్రులకు ఆర్థికంగా భారం పడటమే కాకుండా ఎంతో సమయం వృథా అయ్యేదని పేర్కొన్నారు. కేసీఆర్‌ ఆలోచనతో ప్రతి జిల్లాకు మెడికల్ కాలేజ్ ఏర్పాటు చేసి, విద్యార్థులు తమ సొంత జిల్లాలోనే ఉంటూ పరీక్షలు రాసే, వైద్య విద్యను అభ్యసించే సౌకర్యం కల్పించారని తెలిపారు.
కొత్త మెడికల్ కాలేజీల ఏర్పాటుతో రాష్ట్రంలో ఎంబీబీఎస్‌ (MBBS) సీట్ల సంఖ్య కూడా పెరిగిందని, దీనివల్ల మధ్యతరగతి, పేద విద్యార్థులకు డాక్టర్‌ అయ్యే అవకాశాలు మరింత మెరుగయ్యాయని బీఆర్‌ఎస్‌ శ్రేణులు పేర్కొన్నాయి.
మెడికల్ కాలేజీలతో పాటు అనుబంధంగా సూపర్‌ స్పెషాలిటీ ఆసుపత్రులు కూడా అందుబాటులోకి రావడం వల్ల స్థానిక ప్రజలకు కార్పొరేట్‌ స్థాయి వైద్యం ఉచితంగా అందే అవకాశం ఏర్పడిందన్నారు. గ్రామీణ ప్రాంతాలకు చెందిన విద్యార్థులు కూడా వైద్య రంగంలోకి ప్రవేశించడం సులభతరం అయ్యే విధంగా కేసీఆర్‌ చర్యలు తీసుకున్నారని పేర్కొన్నారు.
విద్యార్థులపై ఆర్థిక భారం తగ్గించి, సొంత జిల్లాల్లోనే వైద్య విద్యకు అవకాశాలు కల్పించడంతో పాటు పేద, మధ్యతరగతి కుటుంబాల విద్యార్థులకు డాక్టర్‌ కావాలనే కలను చేరువ చేసిన ఘనత కేసీఆర్‌కే దక్కుతుందని బీఆర్‌ఎస్‌ శ్రేణులు పేర్కొన్నాయి.
