అడవి శాఖ ఆధ్వర్యంలో వన్యప్రాణి–మానవ సంఘర్షణపై అవగాహన సమావేశం.
భద్రాద్రి కొత్తగూడెం,ఆధాబ్ న్యూస్:
భద్రాద్రి కొత్తగూడెం జిల్లా కలెక్టర్ కార్యాలయంలో అడవి శాఖ ఆధ్వర్యంలో వన్యప్రాణులు–మానవ సంబంధాల మధ్య ఏర్పడుతున్న సంఘర్షణ అంశంపై అవగాహన సమావేశం నిర్వహించారు. వన్యప్రాణుల సంరక్షణతో పాటు ప్రజలు ఎదుర్కొంటున్న సమస్యలపై ఈ సమావేశంలో విస్తృతంగా చర్చించారు.
ఈ సందర్భంగా జిల్లా అడవి శాఖ అధికారులు ప్రజల వద్ద నుంచి అభిప్రాయాలు, సూచనలు సేకరించారు.
అడవి శాఖ అధికారులు మాట్లాడుతూ, వన్యప్రాణుల రక్షణతో పాటు మానవ జీవన భద్రతకు ప్రభుత్వం అత్యంత ప్రాధాన్యత ఇస్తోందని తెలిపారు. సంఘర్షణలు తగ్గించేందుకు చేపడుతున్న చర్యలు, పరిహార విధానాలపై ప్రజలకు వివరించారు.
ఈ సమావేశంలో అడవి శాఖతో పాటు రెవెన్యూ, పోలీస్, వ్యవసాయ తదితర శాఖలకు చెందిన అధికారులు పాల్గొన్నారు.
