కరకగూడెం: తెలంగాణ గ్రామీణ బ్యాంక్ వద్ద 77వ గణతంత్ర దినోత్సవ వేడుకలు ఘనంగా
కరకగూడెం,ఆధాబ్ న్యూస్:
కరకగూడెం మండల కేంద్రంలోని తెలంగాణ గ్రామీణ బ్యాంక్ శాఖ వద్ద 77వ గణతంత్ర దినోత్సవ వేడుకలను శనివారం ఘనంగా నిర్వహించారు. ఈ సందర్భంగా బ్యాంకు ప్రాంగణంలో జాతీయ జెండాను ఆవిష్కరించి గణతంత్ర దినోత్సవాన్ని ఉత్సాహంగా జరుపుకున్నారు.
ఈ కార్యక్రమంలో బ్యాంకు శాఖ మేనేజర్తో పాటు సిబ్బంది, స్థానికులు పాల్గొన్నారు. భారత రాజ్యాంగ విలువలు, దేశాభివృద్ధిలో ప్రతి ఒక్కరి పాత్రపై వారు సందేశాలు ఇచ్చారు. దేశ సమైక్యత, సమానత్వం, ప్రజాస్వామ్య స్ఫూర్తిని కాపాడుకోవాలని ఈ సందర్భంగా పిలుపునిచ్చారు.
అనంతరం మిఠాయిల పంపిణీతో కార్యక్రమం ముగిసింది. గణతంత్ర దినోత్సవాన్ని పురస్కరించుకుని బ్యాంకు సిబ్బంది దేశభక్తి నినాదాలతో వేడుకలకు మరింత ఉత్సాహం నింపారు.
