అశ్వాపురం లో తృటిలో తప్పిన పెద్ద ప్రమాదం!
ప్రధాన రహదారి పక్కనే బావిలోకి బోలోరా దూసుకెళ్లింది..!
అశ్వాపురం, ఆధాబ్ న్యూస్:
అశ్వాపురం మండలంలో తీవ్ర ఉద్వేగానికి గురిచేసిన సంఘటన చోటు చేసుకుంది. ప్రధాన రహదారి పక్కన ఉన్న వ్యవసాయ బావిలోకి ఓ బోలోరా వాహనం అదుపు తప్పి దూసుకెళ్లింది. బావిలో మందు కట్టలు ఉండటంతో భారీ ప్రమాదం తలెత్తకుండా తృటిలో తప్పించుకున్నట్లు ప్రత్యక్ష సాక్షులు చెబుతున్నారు.
ఈ బోలోరా వాహనం ఈ బయ్యారం ప్రాంతానికి చెందినదిగా గుర్తించారు. ప్రమాదం జరిగిన సమయంలో వాహనంలో ఎవరైనా ఉన్నారా? వారికి గాయాలు అయ్యాయా? అనే అంశంపై పూర్తి వివరాలు అందాల్సి ఉంది.
