పాములపల్లిలో పేకాట దందా – 10 మంది అరెస్టు, రూ.20వేల నగదు, 9 సెల్‌ఫోన్లు స్వాధీనం
అశ్వాపురం,మే 15 ఆధాబ్ న్యూస్: భద్రాద్రి కొత్తగూడెం జిల్లాలోని అశ్వాపురం మండల పరిధిలోని పాములపల్లి గ్రామంలో పేకాట ఆడుతున్న 10 మందిని పోలీసులు అరెస్టు చేశారు. మిషన్ భగీరథ పంప్ హౌస్ సమీపంలో జరుగుతున్న పేకాటపై సమాచారం అందిన వెంటనే పోలీసులు అక్కడకు చేరుకొని దాడులు నిర్వహించారు.
ఈ దాడిలో రూ.20,000 నగదు, 9 మొబైల్ ఫోన్లు స్వాధీనం చేసుకున్నట్లు సీఐ అశోక్ రెడ్డి తెలిపారు. పేకాట నిర్వహిస్తున్న వారి పైన కేసు నమోదు చేసి దర్యాప్తు కొనసాగుతున్నట్లు సమాచారం.
పబ్లిక్ స్థలాల్లో ఇటువంటి అక్రమ కార్యకలాపాలను ఎవ్వరూ సహించబోమని, సమాచారం అందించాలంటూ ప్రజలను పోలీసులు కోరుతున్నారు.
