చేతబడి చేశారన్న నెపంతో మహిళను చెట్టుకు కట్టేసి దాడి 14 మందిపై కేసు నమోదు.. దర్యాప్తు చేస్తున్న పోలీసులు

చేతబడి చేశారన్న నెపంతో మహిళను చెట్టుకు కట్టేసి దాడి

14 మందిపై కేసు నమోదు.. దర్యాప్తు చేస్తున్న పోలీసులు

రంగారెడ్డి, ఆధాబ్ న్యూస్:

చేతబడి చేసిందన్న అనుమానంతో ఓ మహిళను గ్రామస్తులు చెట్టుకు కట్టేసి దాడి చేసిన అమానుష ఘటన రంగారెడ్డి జిల్లా మంచాల మండలం నోముల గ్రామంలో చోటుచేసుకుంది.

గ్రామానికి చెందిన **పల్లటి వెంకటమ్మ (60)**పై కొందరు గ్రామస్తులు చేతబడి చేసిందన్న నెపంతో దాడికి పాల్పడినట్లు సమాచారం. ఆమెను చెట్టుకు కట్టేసి కొట్టడంతో బాధితురాలు తీవ్రంగా ఆవేదనకు గురైంది.

ఈ ఘటనపై వెంకటమ్మ పోలీసులను ఆశ్రయించి తనపై దాడి చేసిన వారిపై ఫిర్యాదు చేసింది. బాధితురాలి ఫిర్యాదు మేరకు పోలీసులు 14 మందిపై కేసు నమోదు చేసి దర్యాప్తు చేపట్టారు.

ఘటనకు సంబంధించిన పూర్తి వివరాలను పోలీసులు సేకరిస్తున్నారు. చేతబడి పేరుతో చట్టాన్ని చేతుల్లోకి తీసుకుని వ్యక్తులపై దాడులకు పాల్పడటం నేరమని పోలీసులు తెలిపారు. ఇలాంటి ఘటనలకు పాల్పడితే చట్టపరమైన చర్యలు తప్పవని హెచ్చరించారు.