కమ్యూనిటీ కనెక్ట్ కార్యక్రమం – రేగళ్ల గుత్తి కోయ గ్రామంలో పోలీసుల సేవా కార్యక్రమం
కరకగూడెం,ఆధాబ్ న్యూస్:
భద్రాద్రి కొత్తగూడెం జిల్లా కరకగూడెం పోలీస్ స్టేషన్ పరిధిలోని రేగళ్ల గుత్తి కోయ గ్రామంలో కమ్యూనిటీ కనెక్ట్ కార్యక్రమం నిర్వహించారు. ఈ కార్యక్రమంలో కొత్తగూడెం జిల్లా ఓఎస్డీ నరేందర్, మణుగూరు డీఎస్పీ రవీంద్రరెడ్డి, ఏడూళ్ళ బయ్యారం సీఐ వెంకటేశ్వరరావు, కరకగూడెం ఎస్సై పివిఎన్ రావు, పోలీసులు పాల్గొన్నారు.
ఈ సందర్భంగా గ్రామంలోని చిన్నారులకు నోట్బుక్స్, పలకలు, బలపాలు అందజేశారు. యువతకు వాలీబాల్ కిట్లు, బాల్స్ పంపిణీ చేశారు. అలాగే పొలం పనులు చేసే సమయంలో వర్షం వల్ల ఇబ్బంది లేకుండా 100 ప్లాస్టిక్ కవర్లు అందజేశారు.
ఈ కార్యక్రమం గ్రామస్తుల హృదయాలను గెలుచుకుంటూ, పోలీసులపై విశ్వాసాన్ని పెంచింది.
